#rahmatein

Rahmatein

Koi urooj de na zawaal de,
Mujhe sirf itna kamaal de,
Mujhe apni raah me daal de,
ki zamaana meri misaal de.

Teri rahmaton ka nuzool ho,
Mujhe mehnato ka sila mile,
Mujhe maal o zar ki hawas na ho,
Mujhe bas tu rizq e halaal de.

Mere zahen me teri fikr ho,
Meri saans me tera zikr ho,
Tera khauf meri nijaat ho,
Sabhi khauf dil se nikaal de.

Teri baargaah me Aye Khuda,
Meri roz o shab hai yehi dua,
Tu Raheem hai Tu Kareem hai,
Mujhe mushkilon se nikaal de.

Aameen